Bawat araw, lumalaki ang pangangailangang matuto tayo ng wikang Ingles. Patuloy na lumiliit ang mundo dahil sa dumadaling paglalakbay sa pagitan ng mga bansa, at patuloy na dumadami ang ibayong kalakal na pumapasok sa ating bansa. Dahil dito, marapat lamang na hasain natin ang pananalitang banyaga.
Ganumpaman, sa konteksto ng lumiliit na mundo at ng lumalagong ibayong kalakal, higit pang mahalaga na pagyamanin natin ang kaalaman natin sa wikang Pilipino. Tumitingkad ang pangangailangang maging hiyang tayo sa sariling wika hindi lamang upang mangusap, ngunit dahil ang ating wika ay sisidlan ng ating mga pagpapahalaga, kasaysayan, at kultura—mga bagay-bagay na hindi nahuhuli ng payak na pagsasalin sa ibang wika. Kung tayo’y makikitao sa ibang lahi at kultura, ang ating pagpapakilala sa sarili at sa bayan ay maaayon sa mga ito.
Continue reading ‘Bakit Mahalagang Tangkilikin ang Wikang Pilipino?’